Introdukshon

Malesa di nir: konsientisashon, prevenshon i kura. E tres palabranan klave aki ta forma e liña kòrá den e mishon i vishon di Nierstichting Curaçao. Sinembargo Nierstichting Curaçao ta boga tambe pa pone e responsabilidat pa e propio salu (i tambe esun di nir) den bo mes man E slogan “Bo nir ta den bo man” ta e indikashon di mas importante di esaki. Nierstichting Curaçao ta duna sosten i ta fasilitá den esaki. E logo nobo di Nierstichting Curaçao ta mustra un nir ku ta den man di e persona ku e ta forma un unidat ku n'e. E man ku ta duna sosten ta esun di Nierstichting Curaçao ku ta informá nos komunidat, ku ta manehá i guia den tur aspekto ku tin di haber ku e salu di e nir, den prevenshon di malesa di nir i finalmente den kuramentu di esaki.